Реал Мадрид го нуди Карим Бензема како дел од понудата до Интер за услугите на Мауро Икарди.
Бензема постојано игра во променлива форма, но и покрај тоа во изминатите години е прв напаѓач на Реал Мадрид и една од главните ѕвезди на Зинедин Зидан.
Но оваа сезона работите не се движат во посакуваната насока, па промени во офанзивата се неопходни.
Икарди е една од најголемите цели на Реал Мадрид, тој во својот договор има откупна клаузула од 110 милиони евра, но таа не е валидна во јануари.
Капитенот на Интер ако отиде сега во Реал Мадрид може да игра и во Лигата на шампионите бидејќи нероазурите не играа во натпреварувањето.
Весниците велат дека Реал Мадрид го нуди Бензема плус доплата за Икарди. А „Газета дело Спорт“ вели дека Интер треба да ја продаде својата ѕвезда за да го испочитува финансискиот фер плеј.
Но, претходно Икарди јасно нагласи дека сака да остане во Интер, а за февруари се закажани и преговори за продолжување на соработката.