Познат е стадионот на кој Италија ќе ја пречека Македонија

На 24 март идната
година во полуфиналето од плејофот за пласман на Светското првенство, Македонија
ќе ги одмери силите со европскиот првак Италија, а веќе е познато на кој терен
„Аѕурите“ ќе ја пречекаат нашата селекција.

Италија ќе биде
домаќин на арената „Ренцо Барбера“ во Палермо, место кое е добро познато на
пошироката македонска фудбалска јавност, од причина што за истоимениот клуб
Палермо боите ги бранеа Илија Несторовски и Александар Трајковски.

Избраниците на
Благоја Милевски во случај да го елиминираат фаворитот во финалето ќе играат
против подобриот од дуелот помеѓу Португалија и Турција.