Ерлинг Халанд вели дека ужива во битките со Габриел, напаѓачот на Манчестер Сити објасни зошто останал на нозе и не пробал да изнуди исклучување на дефанзивецот на вчерашното дерби.
„Граѓаните“ вчера остварија огромна победа, го совладаа Арсенал и се вратија во трката за титулата во Премиерлигата.
Ерлинг Халанд го постигна голот вреден три бода, напаѓачот доби еден дуел со Габриел и ја затресе мрежата за 2-1.
Двајцата водеа жестока битка 90 минути, а во финишот малку фалеше да дојде и до посериозен инцидент.
Многумина сметаат дека Габриел претерал со реакцијата, и дека заслужил црвен картон, кој сигурно ќе го добиеше доколку Ерлинг Халанд паднеше на тревата.
Но Норвежанецот реши да остане на нозе, и со својата изјава само доби дополнителна почит од навивачите.
„Доколку паднев на тревата, сигурно ќе добиеше црвен, но ова не е фудбал, барем не според мене“ – рече напаѓачот на Манчестер Сити.
Запрашан дали кажал нешто за го испровоцира противникот, тој вели: „Не, не кажав ништо. Никогаш не би го сторил тоа… или ајде, можеби понекогаш“.
„Но во овој случај не направив ништо, тој е извонреден играч и секогаш уживам во битките со него“.
EPL seem to have different rules, because this right here is a red card to Gabriel, really don't know why they let this slide….clear headbutt on Haaland pic.twitter.com/riZB6fnaqU
— Liverpool (@LiverpoolLnd) April 19, 2026