Официјално: Скендери се врати во Македонија Ѓорче Петров

Скендери во Македонија Ѓорче Петров доаѓа од Струга Трим Лум каде помина две години. Тој настапуваше и за Академија Пандев и Тиквеш.

Емир е дете на Македонија Ѓорче Петров и среќен е што се враќа во својот клуб.

„После многу години се враќам во клубот каде што почнав и едвај чекам да дебитирам во првиот тим, посакувам и ќе се трудам да постигнам што повеќе голови“, рече Скендери на промоцијата.

Скендери е шесто засилување на ѓорчепетровци во летниот преоден рок, пред него клубот потпиша со Христијан Пецов, Бојан Илиевски, Александар Ѓорѓиески, Фисник Зука и Џон Мена.