Барселона се чини
ќе продолжи со чудната активност на трансфер пазарот, по неочекуваниот ангажман
на Боатенг од Сасуоло, сега Каталонците се шпекулира дека го посакуваат
искусниот Николас Отаменди од Манчестер Сити.
Искусниот 30
годишен дефанзивец нема значајна улога во тимот на Пеп Гвардиола оваа сезона,
реализираше само осум настапи како стартер во редовите на англискиот првак во
Премиерлигата, а самиот Гвардиола призна дека Аргентинецот не е среќен со
неговиот статус и минутажата која ја добива.
Повредата на
Умтити отвори голема дупка во дефанзивната линија на Каталонците, а шефот на
стручниот штаб на тимот од Камп Ноу, Валверде верува дека Отаменди може да биде
решение за до крајот на сезоната, а можеби и повеќе од тоа.
„Тој не е среќен,
кога игра е среќен, кога не игра едноставно не е среќен, но, ова не важи само
за Отаменди, туку за целиот состав“ изјави Гвардиола.