Црногорските претставници имаа кошмарно европско лето, откако сите четири клуба беа елиминирани уште во квалификациите, без да освојат ниту еден бод. Епилогот е поразителен, десет натпревари и десет порази.
Најдолго во Европа издржа и од натпреварувањата на УЕФА се прости Сутјеска, која по домашниот пораз од 0-3, загуби и на гостувањето кај Витебск со 2-1, па со вкупни 5-1 го заврши настапот во квалификациите.
Во квалификациите елиминирани беа и Будуќност, Дечиќ и Арсенал Тиват, кои исто така не успеаја да запишат ниту победа, ниту реми во своите европски настапи.
Со биланс од десет порази на десет натпревари, црногорскиот клупски фудбал испиша една од најнегативните страници во својата историја, а ваков учинок на сите претставници на една земја во европските квалификации досега практично не е забележан.