Роберто Мартинез
го објави поширокиот список на Белгија за претстојното Светско првенство во
Русија кое се одржува идниот месец, но, на истиот не се најде ѕвездата на Рома,
тимот кој стигна до полуфиналето сезонава во Лигата на шампионите, Раџа
Наинголан.
Веста одекна како
големо изненадување, Мартинез појасни дека за Наинголан нема место а воедно и ја објасни таквата одлука.
„Подготовките ги
започнваме со 28 фудбалери со цел да им дадеме шанса на сите, секој во
репрезентацијата има различна улога. Јасно ми е дека Наинголан има важна улога
во Рома, но, причината поради која е изоставен од нашиот тим е од тактички
аспект, тој нема улога во репрезентацијата“ појасни селекторот на Белгија, а
следеше и одговор од ѕвездата на италијанскиот тим.
„За жал мојата
репрезентативна кариера завршува, секогаш сум давал максимум од себе за да ја
претставам мојата земја на најдобар можен начин, доколку бидете свои може да ги
иритирате луѓето околу себе, можам слободно да кажам дека од денес ќе бидам
навивач број еден на Белгија“ беше реакцијата на Наинголан откако дозна дека за
него нема место во националниот тим на Белгија за Мундијалот.