Македонија ја заврши годината на 67. место на ФИФА ранг листата

2021 година е најуспешната за македонската фудбалска репрезентација досега, игравме на Европско првенство и се пласиравме во бараж за Светското првенство.

Што се однесува до ранкингот, оваа година ја завршуваме за две места послабо од лани. Сега сме 67., а во 2020. завршивме на 65. место.

Белгија и понатаму е лидер на табелата, а во топ 10 се уште и Бразил, Франција, Англија, Аргентина, Италија, Шпанија, Португалија, Данска и Холандија.

Македонија е најдобро пласирана од репрезентациите со кои ќе играме во Лигата на нации. Позади нас се Бугарија 71. место, Грузија е 85., а Гибралтар 203.