Македонија дојде до трите бода од гостувањето кај Малта, одигравме меч на високо ниво и дојдовме до посакуваниот резултат кој доаѓа веднаш по ремито со Италија.
Рано го отворивме резултатот, уште во петтата минута по една одлична акција Елиф Елмас постигна гол за водство на Македонија од 1-0.
На пет минути до крајот на првиот дел, Барди центрираше од корнер, а Јован Манев со глава го постигна својот деби гол за репрезентацијата и зголеми на 2-0.
Во финишот од првиот дел Барди имаше шанса од слободен удар, но домашниот голман ја фати топката на гол линијата.
Вториот дел го одигравме рутински, ја контролиравме играта и го сочувавме водството од 2-0 кое на крајот се покажа и како конечен резултат.
По пет одиграни натпревари освоивме седум бода исто колку што имаат Италија и Украина, Италијанците имаат меч помалку.