Македонија ЃП го промовираше Ѓорѓи Стоилов, тој ќе биде замената за Емини

Стоилов е фудбалер кој потекнува од Хоризонт Турново, а до 2021 година играше за Академија Пандев, по што замина во Зира од Азебејџан со која го раскина договорот откако не доби голема шанса.

Стоилов беше повикуван и за македонската репрезентација од Игор Ангеловски. Доби повик за два меча од квалификациите за ЕУРО 2020, а настапи неколку минути само на гостувањето во Полска.

Тој во Македонија Ѓорче Петров треба да биде замена за Сефер Емини кој отиде во Сондерјиске, Данска.