Македонија Ѓорче Петров добрата форма ја потврди и на Арената „Тодор Проески“ каде го совлада Работнички кој никако да заигра според очекувањата ниту со новиот тренер.
Ѓорчепетровци со голови на Воша во првото полувреме и Адем во вториот дел имаа предност и од 2-0. Работнички успеа само да намали преку Ристовски.
Шкупи со убедливи 3-0 победи на гостувањето кај Борец. Два гола даде Адетунџи, а еден Ѓорѓиевски.
Чаирскиот тим на зимската пауза оди со седум бода предност пред Академија Пандев која денеска со гол на Бихорац со минимални 1-0 го совлада Пелистер.
Шкендија со гол на Гури во 69. минута го победи Скопје со 1-0.
Синоќа Брегалница со 3-1 го совлада Тиквеш во Кавадарци.
Мечот меѓу Струга Трим Лум и Ренова е одложен за 14 декември поради снег на теренот.
Табела:
1. Шкупи 42
2. Академија Пандев 35
3. Шкендија 34
4. Брегалница 29
5. Ренова 27 (-1)
6. Македонија ЃП 27
7. Струга ТЛ 23 (-1)
8. Работнички 22
9. Скопје 20
10. Тиквеш 15
11. Борец 12
12. Пелистер 5
Фото: ФК Работнички