Легендарниот аргентински фудбалски стратег Марсело Биелса на актуелното Светско првенство ја предводи репрезентацијата на Уругвај, со која не го започна турнирот според очекувањата, освојувајќи само еден бод против Саудиска Арабија во првото коло.
По натпреварот, на прес-конференцијата една од главните теми беше официјалната фотографија на Биелса која ја направи ФИФА и ја објави на својата интернет-страница.
Имено, на фотографијата популарниот „Лудак“ воопшто не гледа во камерата, туку го избегнува погледот кон фотографите. Биелса позира со рацете во џебовите и гледа кон земјата, што веднаш привлече внимание.
„Немам објаснување кое би можел да ви го понудам. Тие ја направија фотографијата како и секогаш. Јас не сум манекен. Застанав пред нив и тоа е фотографијата што ја направија. Немаме обврска да глумиме манекени и кукли, ниту пак да исполнуваме нечии очекувања кои немаат никаква основа“, изјави Биелса.
Marcelo Bielsa refused to do any acting during the official World Cup photoshoot.
— World Cup 2026 Daily (@TotalFootball) June 15, 2026
The Uruguayan 🇺🇾 coach has repeatedly denounced the tournament in the United States, criticizing its commercial and political excesses.
pic.twitter.com/2ih09m0CXZ