Избраниците на
Клоп не дозволија кикс на трет натпревар во низа, одиграа квалитетен натпревар,
беа далеку подобар противник и можеше да победи со поголема разлика, но резултатот
беше отворен со сомнителен гол, слично како на дуелот со Вест Хем, Милнер и
Мане беа протагонисти.
Милнер нафрли од
десно а Мане со глава ја затресе мрежата на гостите. Од повторените снимки се
добива впечаток дека Сенегалецот е во офсајд но тешко може да се каже дали
некој друг дел од телото освен раката е во недозволена ситуација.
Пред крајот на
првиот дел Вајналдум стрелаше за 2-0, а сите дилеми ги реши Салах на почетокот
од вториот дел. Со овие три бода, Ливерпул се врати на врвот на табелата и има
+3 во однос на Манчестер Сити.
Арсенал
триумфираше со 1-2 на гостувањето кај фенерџијата Хадерсфилд и го задржа
чекорот со Манчестер јунајтед во битката за топ четири пласман. Ивоби ги донесе
„топчиите“ во предност за Лаказет во последните мигови од првото полувреме да
погоди за 0-2. До крајот Хадерсфилд стигна само до почесен гол откако Колашинац
си ја затресе сопствената мрежа.
Кардиф ја напушти
зоната за испаѓање откако во драматичен финиш стигна до три бода против
Саутемптон. Популарните „сини птици“ поведоа со голот на Бамба, но Стивенс во
91. минута изедначи на 1-1. Сепак, гостите преку Зохоре во 93. минута од
средбата стигнаа до цел плен.
Ватфорд со 1-0 ја
доби пресметката против Евертон, додека пак Кристал Палас и Вест Хем одиграа
1-1.