Бразилскиот фудбалер Матеус Да Силва Лемос е нов фудбалер на Брегалница, штипскиот фудбалер го потврди неговиот ангажман.
Брегалница е трет македонски клуб за Лемос, Бразилецот претходно играше за Вардар и Македонија Ѓорче Петров.
„Матеус Да Силва Лемос е нов член на ФК Брегалница.
Станува збор за одличен техничар кој “оперира” во левокрилната позиција. Роден е 1997 година во Рио де Женеиро. Лемос има искуство во македонската прва лига, тој со успех настапуваше во Македонија ЃП и Вардар. Летово се поврзуваше и со арачиновска Шкендија, но сепак тој се одлучи да ги прифати условите во Штип. Последната седмица тренира во Штип и одлично е прифатен во новата средина.
Матеус Лемос има 29 години, во својата кариера има настапувано во бразилските нисколигаши Сан Хозе, Мауа, Комерцијал и Индепендиенција. Негова силна страна во играта е играта 1 на 1, одличен центаршут, вреден играч без топка и дисциплинирана игра во дефанзивниот сегмент на игра“, стои во соопштението на Брегалница.