Кога скапо платените ѕвезди не можат, младинец во 93. минута го однесе Реал во полуфинале (ВИДЕО)

Реал Мадрид се пласираше во полуфинале на Копа дел Реј, младинецот Гонзало Гарсија со гол во 93. минута донесе победа од 2-3 на гостувањето кај Леганес.

„Кралевите“ добро се помачија за да забележат прогрес во Копа дел Реј. Избраниците на Карло Анчелоти имаа 0-2 по 25 минути игра, Модриќ го отвори резултатот а потоа Ендрик погоди за дуплирање на предноста.

Но Леганес се врати во игра во финишот на првиот дел, Круз од белата точка намали на 1-2, а истиот играч изедначи на 2-2 по еден час игра.

И кога се чинеше дека натпреварот ќе оди во продолженија, младинецот Гонзало Гарсија одлично се снајде по една нафрлена топка и со глава реализираше за 2-3 во 93. минута.