Андреа Пирло се најавува како новиот селектор на Италија, поранешниот играч на Интер, Милан и Јувентус е изборот на Паоло Малдини и Леонардо откако Пеп Гвардиола ја одби понудата.
Андреа Пирло ќе седне на жешкото столче на „аѕурите“, се очекува официјално соопштение да пристигне до крајот на оваа недела.
47 годишниот стратег е личен избор на техничкиот директор Паоло Малдини и неговиот советник Леонардо.
Клубовите од Серија А сакаа да го видат Антонио Конте на кормилото, претседателот на ФИ, Џовани Малаго го преферираше неговиот пријател Роберто Манчини, но откако Пеп Гвардиола ја одби понудата, Малдини и Леонардо за кратко го договорија Андреа Пирло.
Неговиот договор ќе важи до крајот на Светското првенство во 2030, а ќе заработува околу 1,5 милиони евра по сезона.
Тоа е далеку помалку од тоа што би било потребно за ангажман на Карло Анчелоти, Пеп Гвардиола, Роберто Манчини или Антонио Конте.
Се говори дека одличниот однос на Пирло со Малдини и Леонардо, како и тоа што Анчелоти го смета за свој ментор, се главните причини за ваквиот избор.
Тие исто така веруваат дека Пирло ќе биде најотворен за нивните идеи за реформа и спроведување на долгорочниот план за модернизација на академиите и градење препознатлив стил на игра на „аѕурите“, заснован на техника и посед.