Португалскиот стратег Пауло Фонсека се најде во центарот на вниманието откако неодамна заработу суспензија од девет месеци.
Фонсека суспензијата ја заработи поради инцидентот во натпреварот против Брест каде што имаше физички контакт со судијата.
На оваа тема сега се огласи поранешниот тренер на Ливерпул, Јирген Клоп кој низ кариерата често пати влегуваше во конфликт со арбитрите.
„Видов дека Фонсека доби суспензија од девет месеци. Ако побарате, можете да најдете многу слични фотографии од мене како се расправам со судиите. Ќе ви кажам вака – само еден сантиметер е границата помеѓу црвен картон и суспензија од девет месеци. Среќен сум што повеќе не сум во тие ситуации“, изјави Клоп.
Ќе потсетиме, Клоп во овој момент е задолжен за комплетниот спортски сектор на компанијата „Ред Бул“ и функционирањето на сите клубови кои се во нејзина сопственост.