Јувентус е на чекор до реализација на две засилувања во нападот, со што ги најавува амбициите за новата сезона и активен летен преоден рок.
Како што пренесуваат италијанските и француските медиуми, канадскиот репрезентативец Џонатан Дејвид наскоро ќе потпише договор со „старата дама“. Напаѓачот, кој важи за еден од најдобрите стрелци во францускиот шампионат во изминатите сезони, пристигнува како слободен играч по истекот на договорот со Лил. Во Торино, Дејвид би требало да заработува околу шест милиони евра по сезона.
🚨⚪️⚫️ BREAKING: Jonathan David to Juventus, here we go! Verbal agreement reached overnight on every detail with Canadian striker.
— Fabrizio Romano (@FabrizioRomano) July 2, 2025
Long term deal agreed and Jonathan David’s set to travel for medical tests, formal steps to follow.
Contracts to be checked and signed soon. pic.twitter.com/5ACbuXI6GN
Покрај него, се работи и на трансферот на Џејдон Санчо од Манчестер Јунајтед. Англискиот фудбалер е надвор од плановите на „црвените ѓаволи“ и поради тоа не би требало да има проблем во реализацијата на трансферот. Засега не се откриваат детали околу условите на договорот, но трансферот се очекува да биде официјализиран наскоро.