Јуве на Роналдо му го носи другарчето од Реал, ќе го направи Марсело втор најплатен во Калчото?!

Јувентус одамна се поврзува со Марсело, се верува дека Бразилецот сака да се пресели во Торино поради Роналдо со кој се добри пријатели.

Според денешното издание на „Тутоспорт“, Јувентус во летниот преоден рок сака да го реализира овој трансфер и е подготвен да одвои 45 милиони евра.

Марсело ќе биде вториот најплатен играч со годишни примања од 12 милиони евра.

Тоа би било голема сума со оглед на тоа дека Марсело во мај ќе наполни 31 година.

Се верува и дека Алекс Сандро конечно ќе го напушти Јувентус и ќе се пресели во Премиерлигата во некој од Манчестер јунајтед, Манчестер Сити или Челси.