Фудбалерот од
средниот ред на Реал Мадрид, Иско, индиректно го „прозва“ неговиот тренер
Сантијаго Солари, поради, како што вели, не ги добива истите можности како и
сите останати негови соиграчи од тимот.
Иско возврати на
еден коментар на поранешниот фудбалер на Кралевите, Рубен де ла Ред, кој го
предупреди шпанскиот гигант да не чека за некој да се докажува, откако Иско
беше изоставуван од страна на Солари.
„Тотално се
согласувам со Де ла Ред, но, кога не ги уживаш истите можности како и
останатите соиграчи, тогаш работите се менуваат…“ напиша Иско, кој притоа
додаде и дека ќе се бори.
„Се уште работам
напорно и силно го очекувам секој момент кој ми претстои за да се докажам, Хала
Мадрид!“ додаде Шпанецот.
Скај Спорт
Италија минатиот месец извести дека Јувентус со сите сили „ќе нападне“ за да го
добие потписот на Иско во летниот преоден рок.