Со синоќешната
победа од 0-2 на гостувањето кај Евертон, тимот на Манчестер Сити се искачи на
врвот од табелата во Премиерлигата, но, со идентичен број бодови со Ливерпул (62),
но, и меч повеќе во однос на својот најголем ривал сезонава за титулата.
„Пред еден месец,
ние можевме да имаме заостанување од десет бода, пред четири или пет дена,
можевме да бидеме на минус седум, а сега сме на врвот“ рече Гвардиола кој
посочи дека сево ова е дел од стратегијата никогаш да не се откажува.
„Не знам до каде
можеме да стигнеме, можеби ние ќе умреме на патот, но, се обидуваме, секогаш се
водам од тоа да ги слушам постарите тренери, како Алекс Фергусон, Рафа Бенитез,
а тие постојано велеа дека распоредот на натпреварите ништо не менува“ заклучи
Гвардиола.
Манчестер Сити
сега го очекуваат дуели со Челси, Вест Хем, како и Борнмут, а трите следни
противници на Ливерпул се Борнмут, Манчестер јунајтед и Ватфорд.