Иако во Барселона стравуваа дека Роналд Араухо ќе мора да оди на подолга пауза од три-четири недели, Уругваецот веќе е спремен за враќање на терените.
Стоперот се здоби со повреда на зглобот на гостувањето кај екипата на Севиља, но веќе денес тренираше со тимот и се очекува да биде во составот во понеделник кога Реал Мадрид ќе игра со Рајо Ваљекано.
„Араухо започна да тренира нормално и ќе биде во составот против Рајо Ваљекано“, потврди Флик.
Сега надвор од тимот од претходно се уште Тер-Штеген, Марк Бернал и Андреас Кристенсен.
Ќе биде интересно да се види каков ќе биде сега изборот на Флик кога на располагање ги има четирите стопери: Кубарси, Иниго Мартинез, Ерик Гарсија и Араухо.
Натпреварот на Барселона со Рајо Ваљекано е важен и затоа што со победа Барселона би го преземала врвот на табелата по вчершните нерешени резултати на Реал Мадрид и Атлетико.