Младата фудбалска
репрезентација на Македонија за играчи до 21 година ги стартуваше подготовките
за пресметките со Украина и Франција, обата на домашен терен, а истите во
рамките на квалификациите за пласман на Европското првенство.
Репрезентативецот
Енис Фазлагиќ верува дека со поддршка од навивачите ќе можат да дојдат до
бодови и против силната Франција.
„Не
очекуваат два многу тешки меча против Украина и Франција. Фокусот е максимално
насочен кон првиот дуел со Украина, тежок противник кој се наоѓа во одлична
форма и игра многу квалитетно во овие квалификации. Имаа одлични индивидуалци,
но и колективно се многу добри“ рече
Фазлагиќ.
„Ќе се
подготвиме максимално, ќе дадеме сѐ од себе и се надевам дека ќе успееме да
освоиме три бода од овој дуел. Одиме чекор по чекор, играме два натпревари на
домашен терен, верувам дека со поддршката
од нашите навивачи ќе можеме да освоиме бодови и на мечот со Франција“ додаде тој.
„На
претходниот квалификациски циклус во октомври и мечевите со Фарски Острови и
Ерменија не бев во тимот поради повреда на зглобот, но тоа е зад мене,
подготвен сум да дадам се од себе за Македонија на натпреварите со Украина и
Франција“ подвлече Фазлагиќ.