Низата триумфи на
„Граѓаните“ запре на 18, избраниците на Пеп Гвардиола одиграа натпревар без
голови на гостувањето кај Кристал Палас во својот последен натпревар од 2017.
Манчестер Сити ја
имаше иницијативата и неколку добри шанси, но на крајот гостите се среќни што
заминаа со бод.
Кристал Палас можеше
да приреди шок но Миливојевиќ промаши пенал во 91. минута, Србинот биеше лошо по средината од голот и му овозможи на Едерсон да одбрани.
Покрај крајот на
победничката серија, дуелот на Селхрст Парк исто така му направи и главоболки
на Пеп Гвардиола кога се во прашање повредите.
Габриел Жесус со
солзи во очите го напушти теренот во првото полувреме, а во финишот од
средбата, на носилки со имобилизирана нога беше изнесен и Кевин де Брујне.