Бугарија ја остави Македонија во игра, но ќе ни биде потребна убедлива победа во Тбилиси

Бугарија се одбрани од нападите на Грузија, ја сочува својата мрежа, натпреварот меѓу овие две селекции заврши 0-0.

Математиката вели дека Македонија сега има шанси за првото место, но за тоа да се случи ќе треба да ја победиме Грузија со 4-0 на нејзин терен.

Доколку славиме со три голови разлика, тогаш гол разликата би одлучувала, а таа во моментов не е на наша страна, Грузија има 12 дадени и 2 примени гола, а ние имаме 7 дадени и 4 примени.

Потребно е да ги совладаме со повеќе голови разлика од поразот кој ни го нанесоа со 3-0 на „Тодор Проески“ арената во Скопје.