Бајрами: ЦСКА Софија е фаворит, но јас верувам во моите момци

Македонија Ѓорче Петров одигра одличен меч во Скопје и покрај тоа што цело полувреме играше со фудбалер помалку. Тренерот Муарем Бајрами знае дека ЦСКА е фаворит, но тие ќе се борат да направат сензација.

„Утре нѐ чека реваншот после првиот меч кој заврши 0-0 и сега сѐ почнува од нула. Јас останувам на тоа дека ЦСКА е фаворит, таа улога комплетно им ја препуштаме. Во Скопје одигравме тактички дисциплинирано, тркачки, успеавме да ги затвориме сите добри страни на ЦСКА. Сега сосема поинаков меч нѐ чека, сосема друг тип, ама јас верувам во момците дека ќе одиграме повторно одличен меч. А, на крајот ќе видиме каков ќе биде резултатот. Можеби ЦСКА не е во својата најдобра форма, зашто имаат нов тренер, нови идеи“, вели Бајрами.