Арсенал ја потврди позајмицата на Денис Суарез

Фудбалерот од средниот ред го продолжи договорот со Барселона до јуни 2021 година, но Арсенал во договорот за позајмица има опција комплетно да го откупи идното лето.

Денис Суарез повторно ќе работи под водство на Унаи Емери кој му беше тренер и во Севиља каде настапуваше на позајмица во сезоната 2014/15 кога тие ја освоија Лига Европа.

„Многу сме среќни што Денис Суарез ни се приклучи. Тој е фудбалер кој добро го знаеме и јас со него работев во Севиља. Ќе ни донесе квалитет и опции на различни позиции во нападот, ќе може да му помогне на тимот“, изјави тренерот на Арсенал, Унаи Емери.