Алиоски се поврзува со трансфер во Фенербахче

Идејата да се пресели во Саудиска Арабија наместо да остане во Лидс да игра на највисоко ниво се чини дека му се удира од глава на Алиоски.

Одигра една сезона во Ал Ахли, а сега се мачи да најде клуб за новата сезона.

Долго време се поврзуваше со Трабзон, кога требаше трансферот да се реализира, Турците се откажаа.

Синоќа се појавија шпекулации дека Фрајбург се интересира за него, а сега има вести дека претставници на Алиоски го понудиле на Фенербахче.

Агентите на нашиот фудбалер се во Истанбул и се во напредни преговори за трансфер во турскиот гигант.