Алиоски долго време се поврзуваше со Трабзонспор, но на крајот потпиша за Фенербахче. Тој денеска и официјално беше промовиран во турскиот клуб за кој претходно настапуваше и Елмас.
„Навистина сум многу среќен. Конечно дојде овој момент. Не можам да ги опишам чувствата, чувствувам многу добри работи. Со нетрпение чекам да му се приклучам на тимот. Кога првпат слушнав дека Фенербахче се интересира за мене, бев импресиониран бидејќи сакав да играм за најголемиот турски клуб, Фенербахче“, вели Алиоски.
„Фановите ми испратија така убави пораки, што се чувствувам дека тука сум долго време, како да сум дома. Важно е кога фановите се зад тебе и ти веруваат. Со нивната поддршка ќе чувствуваме дека има уште еден наш играч на теренот. Фановите на Фенербахче се најголемите навивачи во Турција. Сум гледал многу видеа, тие се голема, силна и пасионирана група на навивачи. Се надевам дека ќе ги исполнам нивните очекувања на теренот. Се гледаме наскоро. Се надевам дека заедно ќе освојуваме трофеи и ќе победуваме“.