Пари Сен Жермен би можел да остане без катарските милиони, односно сопственикот Насер Ал-Келаифи.

Според информациите од Франција, првиот човек на ПСЖ се наоѓа под обвиненија за вмешаност во купување на гласови и манипулирање на слободата на гласањато, а насочено кон францускиот бизнисмен Арно Лагардер. Се терети дека влијае на одлучувачкиот глас на сопственикот за владетел на Катар кој е ко-сопственик во компанијата.

„На Катар му е доста. Лажни обвиненија, уценувања, секојдневни критики, обвиненија за неспособност – за секој проблем во Франција ги криват нив. Кога и да се обидат да помогнат, тоа се оценува за злоупотреба на моќта. Ова е класичен пример за злоупотреба и на сите им е доста“, наведе новинарот на „РМЦ“, Артур Перо.

Натпреварот меѓу Фламенго и Ботафого заврши со триумф на домашните од 1-0, меѓутоа беше одбележан од инцидент.

Во финишот на мечот дојде до тепачка во која учествуваа многу фудбалери, а ја предизвикаа Александер Барбоза и Клејтон. На крајот најдебелиот крај го извлече токму Барбоза кој остана без заб.

Барбоза, Клејтон и Жерсон поцрвенеа по последниот судиски свиреж.

CARALHO EU NÃO PARO DE RIR A CADA VÍDEO

O CLEITON CHEGOU NA MORAL, CONVERSOU COM UM MALUCO DO BOTAFOGO E 3 SEGUNDOS DEPOIS BATEU NO BARBOZA

SENSACIONAL
pic.twitter.com/cy2ngikSlL

— CENTRAL DA NAÇÃO (@centraldanacao) February 13, 2025

Фудбалската легенда на Интер, Хавиер Занети беше гостин американскиот „Гоал“ и доби интересна задача.

Тој требаше да бира играчи за врска, кој е подобар од другиот според негово мислење. Ништо немаше да биде спорно, ако тој очигледно бираше според тоа кој е од Јужна Америка…

Изненадување е бидејќи Занети го избра Енцо Фернандез пред Лука Модриќ, Родриго Де Пол пред Кевин Де Брујне…

View this post on Instagram

A post shared by GOAL USA (@goalusa_)

Екипата на Силекс беше едно од најпријатните изненадувања во есенската полусезона во Првата македонска фудбалска лига.

Кратовчани на крајот на годината завршија на првото место, па со тоа амбициите пораснаа и се очекува борба за титулата. Тоа го посочи и тренерот Александар Васоски кој врши одлична работа во Силекс.

Во интервју за клупскиот профил, Васоски зборуваше за повеќе теми меѓу кои и трката за титулата.

„Со оглед на тоа дека сме есенски шампиони, секако го оценувам мошне задоволително од наша страна, а во пролетниот дел секако задачата за да се одбрани тоа прво место ќе биде ѓаволски тешка, бидејќи знаеме дека се бориме со доста квалитетни екипи. Меѓутоа, кога веќе докажавме дека во 18 натпревари можеме да бидеме први, зашто не и во останатите 15. Така што апсолутно веќе не криеме дека целта е оваа година, со Божја помош, да ја освоиме шампионската титула“, изјави Васоски.

Целосното интервју прочитајте го на ОВОЈ линк.

Фудбалерите на Милан загубија на гостувањето кај Феенорд (1-0) во рамките на првата средба од плеј-офот во Лигата на шампионите.

Одново на „росонерите“ им недостигаше цврстина, решителност и желба. Коментар за одиграното даде хрватската легенда Звонимир Бобан.

„Не можеме да го разбереме Милан, тоа е екипа без идентитет, идеја и знаење како да одигра против добро организиран противник во тежок натпревар. Милан мора да ја контролира играта, особено ако игра напаѓачки. Среќа за Милан е што на полувремето беше само 1:0. Мислам дека во оваа сезона не одиграа повеќе од два натпревари по ред со иста постава. Консеисао мора да одбере тим кој повремено ќе го прилагодува на противникот“, прокоментира Бобан.

Хрватскиот оперативец е во „војна“ со сегашната управа на Милан, особено откако доби отказ пред неколку години. Тој на суд го доби спорот против клубот во кој порано играше.

Струга Трим Љум го засили тимот со младо ново име за втората полусезона во ПМФЛ.

Шампионот се пофали со потписот со Веби Ислами, кој пристигна од редовите на Шкендија. Овој тинејџер настапуваше во младинските екипи и ќе биде дел од ротацијата на стружани во пролетниот дел од сезоната.

Ислами ќе биде дел од првиот тим на Струга и веќе е регистриран, а во него гледаат голем потенцијал. Шампионот има тешка мисија да го одбрани тронот оваа сезона.

Барселона попладнево соопшти дека младиот дефанзивец Пау Кубарси ставил потпис на нов договор и се обврзал на верност до 2029 година.

„Каталонците“ обезбедија уште еден важен потпис, 18 годишниот Пау Кубарси ја продолжи соработката.

„Барселона и Пау Кубарси договорија продолжување на договорот со кој дефанзивецот ќе остане до јуни 2029 година“ – гласеше известувањето.

Клубот од Камп Ноу не откри повеќе детали, а како што пренесуваат медиумите, откупната клаузула на Пау Кубарси ќе остане исто како претходно – 500 милиони евра.

Премиерлигата го корегираше соопштението за црвениот картон на Арне Слот против Евертон, избришан е делот каде што стои дека тренерот на Ливерпул ќе добие два натпревари суспензија.

Арне Слот вчера беше исклучен по крајот на дербито помеѓу Евертон и Ливерпул, тренерот на „црвените“ му дофрли нешто на судијата Мајкл Оливер па веднаш доби црвен.

Премиерлигата попладнево испрати соопштение во кое стоеше дека Холанѓанецот употребил навредлив и злонамерен јазик, па затоа добил црвен картон и го чека два натпревари суспензија.

Сепак настана забуна откако Премиерлигата за брзо време го корегираше соопштението и го избриша параграфот во кој беше објаснето зошто Арне Слот бил исклучен.

Многумина се прашуваат зошто е повлечен еден ваков чекор, а како што пренесува БиБиСи, се работи за човечка грешка.

Од ФА за БиБиСи брифираат дека се уште не направиле анализа на извештајот на Мајкл Оливерпул и не е донесена никаква олдука.

ФА има рок од три дена да го стори тоа, па постојат шаси Арне Слот да биде на клупата на Ливерпул на натпреварот против Вулверхемптон во недела.

Медиумите пренесуваат дека починал младиот Лоренцо, момчето со неизлечлива болест кое како последна желба имаше средба со Килијан Мбапе.

Минатиот месец, Килијан Мбапе се најде во фокусот на јавноста со гестот кој го направи.

Едно младо момче од Франција со неизлечлива болест, како своја последна желба побара средба со напаѓачот на Реал Мадрид.

Па кога Килијан Мбапе дозна за ова, го испрати својот приватен авион и го донесе малиот Лоренцо во Мадрид, каде го запозна и со целиот тим на „кралевите“.

„Станува збор за поинакво момче. Во животот има многу поважни работи од фудбалот и сакам да им се заблагодарам на сите во клубот кои ми овозможија да го донесам Лоренцо на натпревар и средба со фудбалерите. Ова беше неверојатен момент за него и многу сум среќен“ – рече тогаш Килијан Мбапе.

Медиумите сега пренесуваат дека младиот Лоренцо починал, неговата ситуација драстично се влошила изминативе денови.