Рашфорд беше во центарот на вниманието на Вембли, заслужен за сите три голови на натпреварот.
Најпрво по една негова изгубена топка, Словачка преку Лоботка уште во третата минута дојде во водство.
Но во продолжението од мечот напаѓачот на Манчестер јунајтед се искупи за грешката и донесе победа на Англија.
Најпрво асистираше до Дајер во 37. минута кој погоди за 1-1, а потоа Рашфорд со одличен гол од далечина во 59. минута ја донесе победата од 2-1.
Црна Гора со гол на Јоветиќ во 75. минута со 1-0 ја победи Романија, многу важни три бода за Црногорците со кои се изедначија на втората позиција со Данска.
Германија ја наполни мрежата на Норвешка победувајќи ја со 6-0. Вернер постигна два гола, по еднаш погодија Озил, Дракслер, Горецка и Гомез.
Словенија со убедливи 4-0 ја совлада Литванија, Шкотска со 2-0 ја победи Малта, со ист резултат Северна Ирска беше подобра од Чешка. Полска со 3-0 го доби Казакстан, Азербејџан со 5-1 го совлада Сан Марино. Честа на гостите денеска ја спаси Данска која со 4-1 победи во Ерменија.