Повеќе нема дилеми: Јувентус договори уште едно засилување

Екипата на Јувентус е една од најактивни во зимскиот преоден рок и според последните информации клубот од Торино го договори и третото засилување.

Во редовите на Јувентус на позајмица пристигнува Ренато Веига од Челси, а веќе се познати и деталите од зделката.

Јувентус за неговата позајмица до крајот на сезоната ќе плати сума од пет милиони евра и во договорот ќе нема клазула за откуп. Португалецот во наредните неколку дена се очекува да пристигне на прегледи во Торино.

Претходно денеска Јувентус го официјализираше Рендал Коло Муани од ПСЖ кој исто така пристигна како позајмен фудбалер.