Давор Серафимов од Шкупи опериран и фудбалски ја заврши годината

Давор Серафимов од Шкупи нема да му биде на располагање на тренерот Ернест Ѓока до крајот на годината.

Десниот бек се повреди за време на пријателскиот натпревар против Игдир во Турција. По враќањето се утврди дека мора да биде опериран, бидејќи се работи за повреда на лигаментите во коленото и сега го чека период за рехабилитација.

Серафимов ќе биде надвор од комбинација најмалку половина година, па би можел да заигра фудбал дури во пролетниот дел од ПМФЛ.

Младиот Давор Серафимов минатата година беше главно резерва во ПМФЛ и запиша 16 настапи, а минатото лето пристигна од Вардар.