Ремито против Италија ја подобри атмосферата во македонската фудбалска репрезентација, но тој бод би бил неважен доколку утре не се победи Малта.
„На утрешниот натпревар треба да одиграме одговорно, сите да дадеме максимум затоа што Малта не е наивен противник, имаат доста квалитет и не треба да се потценат. Треба да излеземе, да го дадеме максимумот и да се обидеме да победиме“, вели Ѓоко Зајков.
„Италија беше друг натпревар, се работи за таков противник против кој треба и подефанзивно да се игра, но ако сакаме да ја победиме Малта, ќе треба да нападнеме со сите сили“.
„Во денешно време фаворит во фудбалот постои само на хартија. Малта не е аутсајдер иако некои така велат за нив. Немаме притисок, не е важно против кој играме, гледаме на секој натпревар да го дадеме максимумот и да оствариме резултат“.
Натпреварот меѓу Малта и Македонија се игра утре (вторник) со почеток од 20:45 часот.
Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.