Италија трипати со Македонија играча досега и трипати се мачела, еднаш едвај победи и тоа во Скопје, а на двата домашни мечеви, еднаш ремизираше во Торино (1-1) и загуби во Палермо (0-1). Јасно е дека Италијанците, колку и да одбиваат да кажат дека сакаат одмазда, ќе дојдат да се реваншираат за нивниот најболен пораз, а тоа го пчекува и новиот фудбалер на Асколи.
„Очекувам една Италија која ќе сака да ни се одмазди, за тоа што се случи во баражот во Палермо. Од првиот ден откако се собрани, знам дека само за тој меч зборуваат и дека сакаат да ни се одмаздат, имаат нов селектор, нов принцип на игра, нова формација… Но, ние сме тука сконцентрирани само на нас и од прв ден се подготвуваме за тој меч со Италија“, вели Несторовски.
Прилепчанецот кој веќе седум години игра во Италија, три во Палермо, а четири во Удинезе, смета дека ваквите мечеви треба да покажат дали сме или не сме вистинска репрезентација, надевајќи се дека можеме до нов поволен резултат за кој треба максимален пристап од прва до последна секунда и со поддршка од навивачите.
„Во фудбалот секој нов меч носи притисок, под притисок се гледаат јунаците, дали сме вистинска репрезентација или не сме. Мислам дека од прв ден се подготвуваме за овој меч, максимално сме фокусирани и се надевам дека ќе дојдеме до уште еден добар резултат против Италија.
Треба да сме максимално подготвени и сконцентрирани од прва до 95-та минута и секој да ги одработи максимално задачите што се поставени од селекторот, тоа што го бара, да бидеме фокусирани 95 минути, да чекаме нивна грешка за да ги изненадиме. Со публиката која се надевам ќе биде наш 12-ти играч, дека ќе дојдат во најголем број да не поддржат, па заедно се надевам ќе дојдеме до добар резултат“, додаде Несторовски.
Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.