Тројца дебитанти на списокот на Милевски, Јаховиќ повторно ќе игра за Македонија (ВИДЕО)

Македонија ја очекуваат три квалификациски натпревари за СП, на 2. септември играме дома против Ерменија, па на 5. септември гостуваме кај Исланд, а циклусот го завршуваме со меч против Романија на 8 септември.

Милевски денеска го објави списокот на фудбалери на кои ќе смета за овие натпревари. Дебитанти во составот се Никола Серафимов, Бојан Миовски и Тодор Тодоровски, повратници се Адис Јаховиќ, Стефан Ашковски, Никола Ѓорѓев и Дејан Илиев.

Бобан Николов е неизвесен поради тоа што е позитивен на ковид-19, ако добие навреме негативен тест ќе се приклучи на репрезентацијата, а Адеми иако е на списокот нема да настапи на овие мечеви поради повреда.