Николов потпиша за тим кој е на чекор до пласман во Лигата на шампионите

Николов не остана во Италија како што се предвидуваше, неговата нова дестинација е Молдавија, стави потпис на договор со Шериф Тираспол.

„Нов фудбалер на Шериф стана македонскиот играч од средниот ред, Бобан Николов. Двете страни се договорија и денеска потпишавме соработка“, стои во соопштението на клубот.

Шериф е на чекор до пласман во групната фаза од Лигата на шампионите откако во првиот плеј-оф натпревар го победи Динамо Загреб со 3-0.

Молдавскиот тим претходно ја елиминираше Црвена звезда.