Имавме статива, поништен гол, а Холандија води со сомнителен погодок

Македонските фудбалери против најсилниот противник го играат својот најдобар натпревар.

Постигнавме гол во 10. минута преку Тричковски, за жал само неколку сантиметри беше во офсајд, ВАР го поништи погодокот.

Десетина минути подоцна Трајковски испрат бомба од далечина, неговиот шут заврши во стативата од голот на Стекеленбург.

Мечот беше отворен во 25. минута кога судијата не досуди фаул врз Горан Пандев, а во продолжение од акцијата Холанѓаните изведоа контра која ја реализираше Депај за водство од 1-0.