Марсијал ќе го продолжи договорот со Манчестер јунајтед

„Скај Спортс“ дознава дека Ентони Марсијал ќе потпише нов пет и пол годишен договор со Манчестер јунајтед, а тоа може да се случи уште утре.

23-годишниот фудбалер постигнал договор со клубот по неколку месечни преговори.

Актуелниот договор на Марсијал истекуваше по крајот на оваа сезона пред Јунајтед да ја активира клаузулата за едногодишно продолжување на соработката, тоа се случи во ноември.

По добрата форма на Манчестер јунајтед, ова е уште една радосна вест за фановите на овој клуб. Останува уште да биде решена иднината на Давид Де Геа.