Пјатек: Очекував ваква ноќ, ова е само почеток!

Во својот прв старт како играч на Милан, Пјатек постигна два гола и им донесе победа на росонерите од 2-0 против Наполи.

Поранешниот соиграч на Пандев, зрачи од самодоверба по мечот со Наполи.

„Очекував ваква ноќ. Реков дека сум подготвен и дадов два гола, но ова е само старт“, изјави Пјатек.

„Двата гола беа одлични иако беа различни. Пред натпреварот зборував со Диего Лаксалт и Фабио Борини, им реков да ми даваат високи и долги топки бидејќи такви преферирам“.

„За вториот гол, требаше да одам на Кулибали, но добро поминав. Веќе размислувам за следниот меч со Рома и се надевам дека до тогаш уште повеќе ќе бидам воигран со моите соиграчи“.

„Се чувствував добро вечерва и беше фантастично да се игра на Сан Сиро“.