Младата ѕвезда на
Реал Мадрид, Винисиус Жуниор проговори за своите желби кои сака да ги оствари
во својата кариера, тој не крие дека посакува еден ден да игра заедно во една
иста екипа со својот сонародник, Нејмар.
Нејмар се
приклучи на ПСЖ откако направи трансфер од Барселона за рекордни 222 милиони
евра во летото 2017. година, Бразилецот од тогаш, па наваму постојано се
поврзува со враќање во Барселона, но и трансфер во Реал Мадрид.
„Една од моите
големи цели во кариерата кои сакам да ги остварам е да играм покрај Нејмар“
изјави Винисиус во интервјуто за Еспорте.
„Без разлика на
тоа дали ќе биде во Реал Мадрид или селекцијата на Бразил, тоа ќе биде еден
голем успех за мене бидејќи јас сум му голем обожавател од самиот негов старт
на кариерата во Сантош, тој ми беше голема инспирација“ посочи Винисиус.