Манчестер јунајтед изгледа моќно кога го води Солскјер, петта победа по ред! (ВИДЕО)

Пет од пет за Солскјер на кормилото на Манчестер јунајтед, славниот англиски клуб изгледа како препороден по неговото доаѓање.

Денеска неговите играчи триумфираа над Рединг со 2-0. Иако не покажаа некоја блескава игра, дојдоа до планираната победа која ги носи во следното коло од ФА Купот.

Резултатот беше отворен по 20 минути игра, Мата беше фаулиран во шеснаесетникот на Рединг, судијата по консултација со ВАР покажа на белата точка. Шпанецот самиот го изведе пеналот и не погреши, Манчестер јунајтед поведе со 1-0.

Во судиското продолжение од првиот дел по асистенција од Санчез, Лукаку се најде сам пред гостинскиот голман, го помина и него и ги постави конечните 2-0.