Франција стигна
до светската титула од Мундијалот во Русија каде во финалето со 4-2 беше
подобра од Хрватска, а Килијан Мбапе, младата ѕвезда на Триколорите имаше
фантастични перформанси за време на турнирот.
Неговите изданија
ги воодушевија многумина, тоа беше потврда на големиот талент кој го поседува
фудбалерот на ПСЖ, а своите импресии не ги криеше ниту Рафаел Варан, кој за
него издвои дека е вонземјанин, но млад.
„Познавам некои
вонземјани, но мислам дека ова е за прв пат да сретнам некој млад вонзејманин“
вели Варан во изјава за Л’Екип.
„Нормално е да
сретнете некој на 25, 30 годишна возраст, на Светското првенство јас видов
таков со само 20 години, со него се’ оди брзо, кога зборувам со него за тактичките аспекти на играта пред
натпреварите, немам доволно време да се доискажам а тој веќе ќе ми ја сфати
поентата за што говорам“ додаде тој.
Мбапе по крајот на турнирот ја освои наградата за најдобар млад фудбалер на истиот, на кој постигна 4 погодоци.