Ањели и Роналдо во Грција со шампањ го пославија историскиот трансфер во Јуве (ФОТО)

На почетокот од денот, пред трансферот официјално да биде обелоденет, претседателот на Јувентус, Андреа Ањели со приватен авион се упати во Грција, слета во Каламата од каде со хеликоптер стигна во хотелот каде што одмара Роналдо.

Брзо потоа следуваа официјалните вести за трансферот на Роналдо во Јувентус.

Сега излезе и фотографија која покажува дека Ањели и Роналдо заедно со агентот Жорж Мендеш, адвокатот на играчот Осорио и уште неколку вработени на агенцијата Жестифуте со шампањ го „залеале“ историскиот трансфер во Јувентус.