Субашиќ: Му реков на Далиќ да ја сочува измената за друг, ќе бранам и со една нога

Даниел Субашиќ во финишот од регуларниот тек се повреди, изгледаше лошо, се чинеше дека нема да може да продолжи. Но голманот стисна заби, ги одигра продолженијата, ги бранеше пеналите и повторно беше еден од главните јунаци на Хрватска.

„Му реков на селекторот да не ме вади од игра и дека ќе играм со една нога ако треба, нека ја сочува таа измена за некој друг“, изјави Субашиќ.

„Горд сум, среќен и презадоволен. Сите играме за ова и сите сакаме да направиме нешто повеќе. Му благодарам на Бога што го награди нашиот труд“.

„Знаев дека Смолов така шутира пенали, но пак ќе кажам, тоа се е лотарија. Од нашето заедништво доаѓа овој резултат. Сите гинеме еден за друг и заслуживме полуфинале и без пеналите“.