Далиќ: По оваа тешка победа имам уште поголема верба во моите фудбалери

Хрватска потешко од очекувањата ја победи Данска. Триумф изборен дури по пенал серијата во која херој беше Данијел Субашиќ со три одбранети пенали.

„Останавме ментално силни, го контролиравме натпреварот и на крајот победивме. Тоа беше наградата за нашата напорна работа, начинот на кој ја изборивме победата ја прави уште послатка“, вели Далиќ.

„До овој меч игравме добри и победувавме на супериорен начин. Но имате и тешки моменти. Не одигравме добар натпревар на нивото од првите три меча. Но мојата верба во играчите е уште поголема по ваков натпревар“.

„Даниел Субашиќ е херој вечерва. Одбрани три пенали, а тоа не може да го видите секој ден. Беше нашиот спасител вечерва и честитки за него“.