Медиумите од Италија пишуваат за можноста Џејдон Санчо да потпише со Рома и Џанпјеро Гасперини конечно да добие засилување за крилната позиција.
Џејдон Санчо веројатно е најзвучното име кое во моментов нема клуб и може да потпише надвор од преодниот рок.
Но како што пренесуваат медиумите од Италија, Англичанецот може да добие примамлива понуда и настап во Лигата на шампиони.
Рома се уште го нема комплетирано составот, треба да се пополнат две позиции, а особено проблематична е крилната.
Па спортскиот директор Д’Амико разгледува опции да му ја исполни желбата на тренерот Џанпјеро Гасперини уште сега, наместо да се чека јануари.
Неговата идеја е да му понуди на Џејдон Санчо договор според кој неговата заработка би зависела од бројот на настапите, како и прикажаните игри.
Останува да се види дали оваа идеја може да вроди и до посериозни преговори, па и потпис. Рома и минатото лето пројавуваше интерес за Англичанецот, но на крајот двете страни не се договорија.