Поранешниот капитен на аргентинската фудбалска репрезентација, Антонио Ратин, почина на 89-годишна возраст, соопшти Фудбалската федерација на Аргентина.
Легендарниот играч од средниот ред остави длабока трага во аргентинскиот фудбал, особено носејќи го дресот на Бока јуниорс, а еден инцидент во кој учествуваше засекогаш ги промени правилата на фудбалската игра.
Ратин за Аргентина настапуваше на Светското првенство во Англија во 1966 година, каде што беше капитен на тимот.
Во четвртфиналниот натпревар против домаќинот Англија, кој Аргентина го загуби со 1:0, германскиот судија Рудолф Крајтлајн му покажа црвен картон и го исклучи од игра. Ратин неколку минути одбиваше да го напушти теренот на „Вембли“, а подоцна тврдеше дека не ја разбрал одлуката на судијата бидејќи тој не зборувал шпански јазик.
Токму оваа ситуација ја натера ФИФА на следното Светско првенство да воведе жолти и црвени картони, со цел да се избегнат јазични недоразбирања меѓу судиите и фудбалерите.
Ратин целата своја играчка кариера, од 1956 до 1970 година, ја помина во дресот на Бока јуниорс, со која освои четири титули шампион на Аргентина.
На почетокот од 1980-тите кратко се испроба и како тренер, а подоцна се посвети на политиката. Беше избран и за пратеник во долниот дом на аргентинскиот парламент.
Antonio Rattin, one of Argentina's greatest midfielders, had died at the age of 89.
— Match of the Day (@BBCMOTD) July 11, 2026
He refused to leave the pitch after being dismissed in the quarter-final of the 1966 World Cup, saying he did not understand the German referee – this led Fifa to introduce the yellow and red… pic.twitter.com/oLPbvgAMUv