Најдобриот фудбалер на денешницата, Лионел Меси, повторно се најде во центарот на вниманието откако Аргентина по драматичен натпревар и продолженија ја совлада Швајцарија со 3-1 и обезбеди место во полуфиналето на Светското првенство.
По натпреварот, швајцарската јавност ја бранува контроверзната ситуација околу исклучувањето на Брел Емболо. Од швајцарскиот табор тврдат дека Меси го искористил својот авторитет за да изврши притисок врз португалскиот судија Жоао Пињеиро, кој на крајот му покажа црвен картон на нивниот напаѓач.
Телевизиските камери го снимија и моментот кога Меси му се приближи на судијата, откако, според снимките, Пињеиро му се обратил со повишен тон.
„Ве молам, обраќајте ми се како што треба. Немојте да ме непочитувате. Јас вам ви се обраќам со максимална почит“, му порача Меси на португалскиот арбитар.
Suiza :
— ¿Por qué es tendencia en México? (@TendenciasMX) July 12, 2026
Acto 1: árbitro no marca amarilla, no era.
Acto 2: Messi lo regaña.
Acto 3: Amarilla a Embolo.
Acto 4: Embolo recibe otra amarilla y es expulsado.
😳
¿Y no es el Mundial de Argentina?
🙄 pic.twitter.com/BfKoTmWE4M
Револтот кај Швајцарците дополнително се засили по дуелот меѓу Леандро Паредес и Брел Емболо покрај аут-линијата. Главниот судија првично му покажа жолт картон на аргентинскиот дефанзивец, но по бурните реакции на аргентинските фудбалери беше повикан да ја прегледа снимката преку ВАР.
По прегледувањето на снимката, Пињеиро ја промени одлуката, оценувајќи дека Емболо симулирал. Иако имало минимален контакт, според снимката швајцарскиот напаѓач започнал да паѓа уште пред Паредес реално да го оттурне. Наместо жолт картон за Аргентинецот, Емболо доби втор жолт картон поради симулација и беше исклучен.