Фудбалерите на Атлетико Мадрид и Арсенал вчера ремизираа 1:1 во првиот натпревар од полуфиналето во Лигата на шампионите.
Ремито на стадионот „Ванда Метрополитано“ ги остави сите опции отворени пред реваншот во Лондон, а мечот го одбележаа пеналите.
Досудени беа дури три удари од белата точка, од кои еден беше поништен по интервенција од ВАР-собата, што предизвика голем револт кај гостите. Судјата Дани Макели во финишот на натпреварот покажа на белата точка по дуел на Хацко и Езе.
Следуваа жестоки протести од домашните, а потоа и повик од ВАР-собата, по што одлуката на холандскиот арбитер беше поништена. Во таборот на Арсенал беа бесни и по натпреварот, а на крајот мораше да се огласи и УЕФА со кратко објаснување.
„Играчот на Атлетико со број 17 не направил прекршок врз противникот“, кратко соопштија од УЕФА.
Actually fair choice from ref not to award second penalty to Arsenal#AtleticoArsenal pic.twitter.com/2HV6vkBXe0
— Tancredi Palmeri (@tancredipalmeri) April 30, 2026